Laptop Or Tablet?

Kung hindi ka pa rin sigurado kung laptop ba o tablet ang mas tama para sa student at home na nakaasa sa online learning, nasa tamang lugar ka. Ang top question: Ano ba ang pinagkaiba ng laptop at tablet?

Kung nasa shopping stage ka na, ito naman side by side checklist ng “best” laptop at tablet na naka-focus sa pag-aaral ng mga bata. Dahil hindi biro ang investment na ‘to na hindi naman kasama sa budget o kaya nama’y wala pa sa plano mo, mas magandang mag-pause ka muna at mag-isip kung ano nga ba ang mas sulit at syempre, ‘yung best option para sa future ng anak o alaga mo.

Ano ang mga dapat i-check bago ka bumili?

Marahil ay may idea ka na kung ano ba ang bibilhin o baka may “prescribed” device mula sa school lalo na kapag mas may edad na ang mga batang gagamit nito.

Para hindi ka magulat o kaya ay mag-worry sa pagpili mula sa sobrang daming brand at sobrang daming models ng laptops at tablets, heto ang checklist na puwede mong gamitin.

💪 Budget: Magsimula sa kung anong kaya mong i-invest bago ang lahat. Maging honest ka kung may pagkukunan ka ba nito o kaya naman ay maghahanap ka ng ka-partner para maitawid ang pagbili ng kung ano mang bibilhin mo. Kung magbabayad ka buwan-buwan, paghahanap ng magagandang deals o offer para mas masulit mo ito.

🏃‍♂‍🏃‍♀‍⏱‍ Bilis/Speed: Isa sa mga kalaban ng mga estudyante ngayon ay ang mababagal na devices laptop man o tablet. I-check ang speed ng device at siguraduhin na swak ito sa modules ng kung sino mang gagamit ng device. Ang lag at pagha-hang ay nakakasira ng focus at maaaring makaapekto sa performance ng bata.

🔋🔌 Kamustahin ang battery life: May time na isang factor ng pagmamahal ng laptop at tablet ay dahil sa galing o added performance ng battery nito. Hindi naman laging ganun ang takbuhan. Kung limited ang budget, okay lang naman na shorter battery life dahil nasa bahay lang naman. Madaling ma-access ang plug. Pero kung mas may pondo, mag-invest na sa mas top of the line na battery. Bakit? Isa ito sa mga unang bumibigay sa mga mobile devices.

📱💻 I-screen ang screen: Ang matagal na pagtitig sa screen ay nakaka-strain ng mata. Kung alin man sa dalawa ang mapipili, strongly recommended ang pag-check kung makakayanan ba ng mata ang pagbabasa ng modules at iba pang online learning materials.

Isa ito sa pinakamahalagang aspeto ng pagpili. I-weigh and budget at ang feature na ‘to para maiwasan ang maagang paglabo ng mata. Pra naman sa mga estudyanteng may grado na ang mata, makakatulong din ang paghanap ng paraan para ‘di lumala ang kanilang kalagayan.

I-observe ang anak sa pagbasa ng mga text o panood ng video sa tablet at sa laptop. I-review din ang online learning materials para may actual na experience ang estudyanteng gagamit ng device.

Maraming advanced features ang latop at tablet ngayon designed para mabawasan ang eye strain. Tandaan na may mga trabahong kailangan ng malinaw na mata, kaya isipin mo na ring investment ito sa future ng estudyanteng ginagabayan mo.

📖✏️🖍️🖌️ Give me space, lots of space: Ang space o memory ay nakakatulong sa mas maayos at mabilis na pago-organize at pag-access ng mga online learning materials. Ang isang Powerpoint presentation ay maaaring kumain na ng malaking espasyo sa kung ano mang choice mong bilhin. Syempre expected naman na mas maraming space ang laptop pero hindi rin naman nagpapahuli ang memory ng tablet. Malimit din ay mag expandable memory ang mga tablet kaya ang kailangan mol ang any memory card.

🎯 Freebies, flexible payment, atbp.: Dahil nga ‘di biro ang gastos na dala ng #newnormal galawan sa pag-aaral, magandang mag-compare din ng freebies at kasama na rin dito ang flexible payment terms. Maghanap ng 0% installment options na hindi na rin kailangan ng credit card. Para sa ibang freebies, maghanap ng mga free items na kailangan ng gagamit. Halimbawa, maganda ang laptop bag pero mas maganda na may Windows 10 ka. Para naman sa tablet, ang free stand o speakers ay magiging useful sa mga students. Maganda rin kung may speaker o headphone na kasama sa package para mas maging “immersive” ang learning experience.

Alin nga ba ang mas angat sa dalawa?

Ang sagot ay nasa sa’yo na. Sana ay mas malinaw na ang choice mo bago maging busy na naman ang mga estudyante sa kanilang class at home set up.

Kapit lang!

Laban lang!

Maitatawid din ‘yan. 😊

Related Posts

Join The Smart E-Loads Gadget Treats today!
#Realtalk: Realme 7 or Realme 7 Pro
Bakit Solid Ang #SamsungSquad?
Shoppers’ Choice: Budget Phones You’ll Love This July 2020
See all Finance Articles